घी खाने के 12 फ़ायदे in Hindi

Dosto Ghee se hum sabhi parichit hai aur iske istemal se bhi. Shayad koi ho jise ghee pasand na ho. Aur to ghee sabhi ko achha lagta hai aur ye bahut hi swadist aur sugandhit hota hai. Isko aap kisi bhi vyanjan me dal do uska swad badal jata hai. Ghee ka istemal khane me kiya jata hai aur roti me laga kar khane se bahut maja aata hai. Ghee humare desh me Pooja path ke istemal kiya jane wala aham chiz hai. Deshi ghee jo ki gaay ki main jati hai uska istemal sabhi prakar ke pooja path aur anusthan me kiya jata hai. Ab chahe havan karna ho ahuti deni ho, deepak jalana ho ya ruyi ki bati sab me iska istemal kiya jata hai.

Ghee khane ke fayde

Ghee humare sarir aur sehat ke liye bhi bahut laabh dayak mana jata hai. Isme paye jane wale poshak tatwa jaise Vitamin A, D, Calcium, Potessium, minerals aur fasforus humare sarir ko majboot aur rog mukt banate hai. Bahut se log sochte hai ki ghee khane se motapa badhta hai to aapko bataye ki aisa bilkul nahi hai agar aap regular rup se ghee ka sevan karte hai aur exercise karte hai ya na bhi kare to aap swasth rah sakte hai. Ghee khane se bahut si bimari ko dur kiya ja sakta hai. Aiye hum jante hai ki ghee khane ke kya kya fayde hai aur iska istemal kaise kiya jaye jisse fayda doguna ho jaye. Aiye jante hai.

Ghee Khane ke fayde –

Ghee khane ke fayde

  • Haddiya majboot banaye – Dosto ghee me paye jane wale poshak tatwa aur calcium humare sarir ko strong banate hai aur haddiyo ko bhi majboot banane me madad karte hai. Isliye hume khane me ghee ka istemal jarur karna chahiye. Aap regular rup se agar 2 chammch ghee ka sevan kare to bahut fayda mil sakta hai. Sath hi humari body me kabhi bhi energy ki kami nahi hoti hai. Sarir hast pust bana rahta hai aur body pe chamak rahti hai. Isliye hum sabhi ko ghee ka sevan jarur karna chahiye. Bahut se bachho ko ghee pasand nahi hota hai to unko bhi ghee khane ki habbit banani chahiye.
  • Energy badhaye – Ghee me paye jane wale Anti oxidant aur fatty acids humare sarir me energy ki improve karte hai aur kabhi bhi kamjori nahi feel hoti hai. Aapko bataye ki ghee sabhi ke liye laabh dayak mana jata hai. Ab iska istemal aap chahe jis rup me kare har tarah se faydemand hi hai.
  • Aankho ke liye – Ghee me paye jane wale tatwa vitamin A aur anti oxidant sath hi isme carotenoids naam ka tatwa hota hai jo ki humare aankho ki roshni to badhata hi hai sath hi aankho se related bimari ko bhi dur karne me madad karta hai. Isliye hum sabhi ko ghee ka sevan jarur karna chahiye. Agar kisi ko aankh se related koi problem ho to aapko bataye ghee me Kali Mirch dal ke khaye bahut laabh hoga.
  • Vajan control kare – Dosto aapko bataye ki jo log ye soch kar ghee ka sevan nahi karte ki hum mote ho jayege. To unko mai batana chahuga ki aisa bilkul nahi hai aap ghee ka sevan karna suru kar de aur baad me aapko result khud hi mil jayega. Ghee me anti oxidant gun hote hai jo vajan ko control me rakhte hai.
  • Sardi khasi ke liye – Sardi ke maosam me hum sabhi sardi aur khasi se paresan hote hai aur kaf se bhi paresan rahte hai. Aisa chotte bachho ke sath adhik dekhne ko milta hai. Aise me mai batana chahuga ki aap ghee se uss bachhe ke peeth aur chhati par malish kare. Bahut laabh hoga.
  • Baalo ke liye – Dosto ghee ke sevan se hum apne baalo ko bhi strong bana sakte hai. Kyuki jab hum ghee khate hai to humare sarir me ghee pahuch kar skin, immune systema ur baalo ko swasth rakhne me madad karte hai. Aapko bataye ki agar ghee ko tel ki jagah apne baalo me lagaya jaye to aapke bal ghane aur lambe ho sakte hai.
  • Dil ke liye – Aapko bataye ki ghee khane se hum apne heart ko bhi majboot bana sakte hai. Ghee me paye jane wale tatwa humare dil ko rog mukt rakhte hai sath hi dil se related bimari jaise heart attack se bhi bacha ja sakta hai. Isliye sabhi ko ghee ka sevan jarur karna chahiye.
  • Immune system majboot banaye – Ghee me paye jane wale gun aur anti oxidant humare immune system ko bhi strong banane me madad karte hai. Sath hi hum jo bhi khate hai achhe se pach jata hai aur sarir majboot banta hai. Isse humara pet bhi sahi se work karta hai aur pet se related koi paresani nahi hoti hai. Hum sabhi ko sudhh deshi gaay ka ghee khana chahiye.
  • Skin ke liye – Ghee ke istemal se hum sarir me badhe cholesterol ko bhi kam kar sakte hai sath hi isme paye jane wale tatwa humari twacha se related bimari jaise chehre par muhashe, chehre par rukhapan ya hooth ka fatna sabhi ko dur kiya ja sakta hai. Iske sevan se humari twacha chamakdaar aur chehre par lalima si ban jati hai aur hum sundar dikhne lagte hai. Agar kisi ke hooth fat jaye to ghee lagane se bahut araam milta hai.

Dosto Ghee hum sabhi ke liye ek aisa khadya padarth hai jo ki nutrients se bharpoor hota hai sath hi iske sevan se kisi tarah ki bimari nahi hoti. Ghee ke sevan se sarir me rog pratirodhak chamta badhti hai. Aur bhi fayde hai ghee ke aiye jante hai.

Ghee khane ke fayde

  1. Dosto agar kisi ko Gathiya ki bimari ho yani jodo me dard rahta ho ya kamar me dard to aise aadmi ko ghee ka sevan regular rup se karte rahna chahiye aur sath me doodh ka bhi sevan kare. Raat ko khana khane ke baad garam doodh me 1 chammch ghee dal kar piye bahut laabh milega.
  2. Kabhi kabhi dekha jata hai ki bahut se logo ko hichki aane lagti hai aur band nahi hoti hai aise me asaan sa tarika aapko bataye ki turant 1 chammch deshi ghee khila de bahut laabh hoga.
  3. Agar kisi ne nasha kar liya ho aur utar na raha ho to nasha utarne me bhi ghee ka istemal kiya ja sakta hai. Sharab ka nasha ho ya aur kisi chiz ka sabko ghee utar sakta hai. Agar kisi ke sath aisa ho to ghee me mishri milakar khila de. Bahut jald nasha bhaag jayega.

Dosto Ghee me sabhi tarah ke tatwa hote hai jinko humare sarir ko jarurat hoti hai. Jo log deshi gaay ke ghee ka sevan karte hai unka dimag bhi bahut tej kaam karta hai aur manshik kamjoori aur tanaav dur ho jata hai. Ghee ka sevan bachho ko jarur karana chahiye. Ab mai samajh sakta hu ki aap sabhi ko ye post achha laga hoga aur samajh me aaya hoga. Agar aapne sahi se read kiya hoga to bahut laabh mil sakta hai.

Isse bhi padhe –

One thought on “घी खाने के 12 फ़ायदे in Hindi

  1. Pingback: Hing Khane Ke Fayde | Sari Jankari Hindi Me

Leave a Reply

Your email address will not be published. Required fields are marked *